Имрӯз, 25 сентябри соли 2025 Раиси Суди Олӣ муҳтарам Мирзозода Р.П. намояндаи доимии навтаъини Барномаи Рушди Созмони Милали Муттаҳид дар Тоҷикистон муҳтарам Судипто Мукерҷиро ба ҳузур пазируфтанд.
Дар ҷараёни мулоқот масъалаҳои дурнамои ислоҳоти судӣ дар Ҷумҳурии Тоҷикистон, таҳкими волоияти қонун ва таъмини дастрасии аҳолӣ ба адолат, баланд бардоштани иқтидори институтсионалии низоми судӣ ва тақвият додани самти рақамикунонии фаъоляити ҳокимияти судӣ мавриди баррасӣ қарор дода шуданд.
Раиси Суди Олӣ ба роҳбари БРСММ барои ҳамкориҳои судманд ва амалигардонии лоиҳаҳои муштарак, ки ба навсозии низоми судӣ ва баланд бардоштани маърифати ҳуқуқии аҳолӣ равона шудаанд, изҳори сипос намуданд.
Ҷаноби Мукерҷӣ, дар навбати худ, омодагии БРСММ-ро барои идомаи ҳамкориҳои дуҷониба дар татбиқи ҳадафҳои стратегии рушд таъкид карда, аҳамияти мустаҳкам ва густариш додани ҳамкориҳоро ҷиҳати расидан ба Ҳадафҳои Рушди Устувор махсус қайд намуд.
Ҷонибҳо бо изҳори қаноатмандӣ ба мувофиқа расиданд, ки шарикии зич ва созандаро дар самти таҳкими адолати судӣ идома диҳанд.
.jpg)
.jpg)
.jpg)
.jpg)
