Имрӯз, 5 ноябри соли 2025, дар маҷлисгоҳи Суди Олии Ҷумҳурии Тоҷикистон конференсияи илмию амалӣ таҳти унвони «Конститутсия - арзишмандтарин дастоварди давлати соҳибистиқлол ва нақши он дар таҳкими давлати демократӣ ва ҳуқуқбунёд» баргузор гардид.
Дар кори ҳамоиш муовини Раиси Суди Олии Ҷумҳурии Тоҷикистон, Директори Маркази миллии қонунгузории назди Президенти Ҷумҳурии Тоҷикистон, муовини Вазири фарҳанги Ҷумҳурии Тоҷикистон, Муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, инчунин намояндаи мақомоти иҷроияи ҳокимияти давлатии шаҳри Душанбе иштирок намуда, суханронӣ карданд.
Зикр гардид, ки баргузории чунин чорабиниҳо барои баланд бардоштани маълумоти сиёсиву ҳуқуқии ҷавонон, арҷгузорӣ ба хизматҳои таърихии Пешвои миллат муҳтарам Эмомалӣ Раҳмон, инчунин ҷалби неруи созандаи насли наврас ва ҷавон ба равандҳои рушди устувори давлатдорӣ дорои аҳамияти хос мебошад.
Дар фарҷоми чорабинӣ кормандони судҳои ҷумҳурӣ бо Ифтихорномаҳо қадрдонӣ карда шуданд.
.jpg)
.jpg)
.jpg)
.jpg)
